Bëgnodüs sön la plata internet dl Sorvisc de Sopoltöra Alfreider
I nes presentun
Bëgnodüs sön nosta plata internet
Por tröc él ri da messëi se dè jö cun la mort y cun i sentimënć che vëgn sö, mo inće da se fistidié di dovëis lià a chësc momënt. I savun sciöche ara é canche an plüra, avisa porchël nes unse tut a cör de acompagné che che nes adora.
Le dialogh personal é chilò dagnora tl zënter de nosc sforz. Chësc ne se limitëia nia ma ala sopoltöra instëssa, mo po inće ester n consëi o n sostëgn canche la porsona adora valgügn che ti stais dlungia.
Cun le cör davert y cun na gran paziënza Ves stunse dlungia da tó les dërtes dezijiuns te chësc momënt de gran pëis emozional.
Osta firma de sopoltöra Alfreider
